Lent.az
22 yaşlı "Atletik Bilbao"nun hücumçusu Niko Uilyams Fransa nəhəngi PSJ-yə keçmək təklifindən imtina edib.
Lent.az xarici mediaya istinadla bildirir ki, PSJ ispan futbolçunun bu mövsüm "Atletik"i tərk etməyəcəyinə əmindir. Bununla belə, Uilyams onunla son dərəcə maraqlanan "Barselona"nın diqqətini cəlb edir. Kataloniya klubu hesab edir ki, Uilyamsın transfer hekayəsi hazırda tamamlanmayıb.
Ötən mövsüm Uilyams klub və milli komandanın heyətində bütün yarışlarda 48 matçda iştirak edib, 10 qol vurub və 24 məhsuldar ötürmə edib. Futbolçunun klubla hazırki əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 60 milyon avrodur.
