Sport24.az
Bakıda təşkil olunan güllə atıcılığı üzrə beynəlxalq hakimlik kursu davam edir. Sport24.az xəbər verir ki, tədbir Beynəlxalq Atıcılıq İdman Federasiyası (ISSF) və Azərbaycan Atıcılıq Federasiyasının təşkilatçılığı ilə keçirilir.
Kurs Bakı Atıcılıq Mərkəzində təşkil olunub. Sabah yekunlaşacaq kursun əsas məqsədi bu sahədə peşəkar hakimlərin yetişdirilməsi, onların bilik və bacarıqlarının beynəlxalq standartlara uyğunlaşdırılmasıdır.
Qeyd edək ki, fevralın 27-dən martın 2-dək isə stend atıcılığı üzrə hakimlik kursu təşkil olunacaq. Təlimlər zamanı qarşıdan gələn Olimpiya tsiklində tətbiq olunacaq yeni qaydalar, yarışların reqlamentindəki dəyişikliklər və hakimliyin cari məsələləri müzakirə ediləcək.
