Qol.az
Avrokubokların 1/4 final mərhələlərinin cavab oyunlarından sonra ölkələrin və klubların UEFA reytinqi yenilənib.
QOL.az xəbər verir ki, bu mövsüm klub turnirlərinin əsas mərhələlərində yalnız 1 komanda ilə təmsil olunan Azərbaycanın mövqeyi dəyişməyib. Ölkəmiz 19.625 əmsalla 30-cudur.
Ölkələrin reytinq sıralamasına 112.553 əmsalla İngiltərə liderlik edir. İtaliya 96.543 əmsalla 2-ci, İspaniya 93.811 əmsalla 3-cüdür.
Klubların sıralamasına gəlincə isə, ən yaxşı göstəriciyə malik Azərbaycan klubu "Qarabağ"dır. Qurban Qurbanovun komandası 32.000 əmsalla 69-cu pillədə qərarlaşır. "Neftçi" 8.000 əmsalla 187-ci, "Zirə" 4.000 əmsalla 318-ci, "Sabah" eyni əmsalla 319-cu, "Sumqayıt" eyni əmsalla 323-cü, "Qəbələ" 3.000 əmsalla 337-ci, "Şamaxı" isə 2.500 əmsalla 338-cidir.
Cədvəlin ilk 3 pilləsində artıq avrokuboklarla vidalaşmış komandalar yer alırlar. "Real" Çempionlar Liqasının 1/4 finalında "Arsenal"a uduzaraq mübarizəni dayandırsa da, 143.500 əmsala 1-cidir. "Mançester Siti" 137.750 əmsalla 2-ci, "Bavariya" isə 135.250 əmsala 3-cüdür.
