Sport24.az
Atıcılıq üzrə dünya kubokunun Buenos-Ayres mərhələsinin iştirakçıları müəyyənləşib. Sport24.az xəbər verir ki, Argentinanın paytaxtında keçiriləcək yarışda 38 ölkədən 381 atıcı iştirak edəcək.
Azərbaycan yığması kubokda 12 snayperlə təmsil olunacaq. Niyaz Ağazadə, Fuad Qurbanov, Cavid Həsənov, Əli Mustafayev, Nurlana Cəfərova və Riqina Meftehətdinova skitdə mübarizə aparacaq. Əli Hüseynli, Əlimirzə Quliyev, Aydan Camalova və Ülviyyə Eyvazova iki yarışa qatılacaq.
Onlar həm fərd, həm qarışıq komanda kimi trapda dəqiqliyini yoxlayacaq. Ruslan Lunyovla Xanna Əliyeva isə tapança ilə atəş açmaqda yarışacaq. Hər ikisi 10 m və 25 m məsafədə fərdi, 10 m qarışıq komandada çıxış edəcək.
Qeyd edək ki, yarış aprelin 1-11-də keçiriləcək.
