Report.az
Azərbaycan təmsilçisi Zidan Hümbətov (54 kq) Monteneqronun Budva şəhərində gənc boksçular arasında Dünya kuboku statuslu "Adriatik incisi" beynəlxalq turnirinə qələbə ilə start verib.
"Report"un məlumatına görə, yarışın ilk günündə rinqə çıxan idmançı 1/8 final mərhələsində qazaxıstanlı Almaz Nurlanla qarşılaşıb.
O, rəqibini 3:1 (28:28, 29:28, 28:29, 30:27, 29:28) hesabı ilə məğlub edib. Z.Hümbətov növbəti görüşündə İlgiz Korqonbayevlə (Qırğızıstan) gücünü yoxlayacaq. Döyüş martın 6-da olacaq.
Qeyd edək ki, martın 9-da başa çatacaq yarışa Azərbaycan millisi 3 oğlan, 4 qız boksçu ilə yollanıb.
