İdman.biz
Macarıstanda tələbələrin Avropa Universitet Oyunları çərçivəsində karate üzrə komanda yarışlarına start verilib.
İdman.bizin Mişkolts şəhərinə ezam olunmuş əməkdaşı xəbər verir ki, kişi və qadınlar arasında təşkil olunan mübarizədə Azərbaycan Dövlət Bədən Tərbiyəsi və İdman Akademiyasının (ASAPES) komandaları da qüvvəsini sınayır.
Kişilər
Fərid Sayadov, Ramil Baxşəliyev, Nicat Kərimli, Vahid Həsənov və Osman Osmanlıdan ibarət ASAPES ilk görüşünü İstanbul Kent Universitetinə qarşı keçirib. Komandamız Türkiyə təmsilçinə 3:0 hesabı ilə qalib gələrək, finala vəsiqə qazanıb. Həlledici döyüş iyulun 18-də olacaq. Qızıl medal uğrunda rəqib isə qardaş ölkənin digər təmsilçisi İstanbul Aydın Universiteti olacaq.
Qadınlar
Aysu Əliyeva, Renata Ərəbli və Fatimə Cəbrayılovadan ibarət komandamız Yena Universiteti (Almaniya) ilə qarşılaşıb. Görüş ASAPES-in 2:0 hesablı qələbəsi ilə bitib. Komandamız 1/4 finalda Pristina Universiteti (Kosovo) ilə qüvvəsini sınayıb. Rəqib 2:0 hesabı qalib gəlib. Kosovo komandası finala yüksəldiyi üçün ASAPES bürünc medal uğrunda ev sahibləri ilə qarşılaşıb və 2:0 hesabı ilə qələbə qazanıb. Bu, ASAPES-in üçüncü olmasını rəsmiləşdirib.
İdman.biz
