İdman.biz
Avstriyanın paytaxtı Vyanada akademik avarçəkmə üzrə ənənəvi beynəlxalq Vyana Reqatası keçirilib.
İdman.biz xəbər verir ki, sayca 120-ci dəfə təşkil olunan yarışda Azərbaycan avarçəkənləri uğurlu nəticələr qazanıb.
Komandamız 2 qızıl, 1 gümüş və 2 bürünc medal qazanıb. Böyüklər arasında akademik avarçəkmə üzrə yığma komandamızın lideri Bəhmən Nəsiri 2000 m məsafəyə yürüşlərdə qızıl medala sahib olub. Murad Sadıqov 3-cü yer tutub. Eyni məsafədə yüngül çəkidə mübarizə aparan Ziya Məmmədzadə finişi ikinci yerdə keçib.
Gənclər arasında Nurlan Paşayev 1500 m qızıl məsafədə A finalında birinci olub. Yeniyetmələr arasında bir nəfərlik qayıqda 1500 m məsafəyə yürüşlərdə Azər İlyasov bürünc medal qazanıb.
İdman.biz
