Idman.biz
ARAF kuboku uğrunda konkur yarışları keçirilib.
Bu barədə İdman.biz-ə Azərbaycan Respublikası Atçılıq Federasiyasının mətbuat xidmətində məlumat verilib.
Yarışda A kateqoriyası üzrə 90 sm və L kateqoriyası üzrə 115 sm hündürlükdə qurulan maneələrdən ibarət yarışda Azərbaycanın müxtəlif atçılıq klublarından olan idmançılar iştirak etmişdir. Bu kateqoriyalar üzrə 20 yaşadək idmançılar yaş məhdudiyyəti olmayan atlarla, 20 yaşdan yuxarı idmançılar isə 6 yaşadək atlarla mübarizə aparıblar.
17 idmançının iştirak etdiyi A kateqoriyası üzrə keçirilən yarışda "Sərhədçi" atçılıq klubunun təmsilçisi Qəzənfər Fərzəliyev "Əsanə" ləqəbli atla birinci, Respublika Atçılıq və Müasir Beşnövçülük üzrə İxtisaslaşdırılmış Olimpiya Ehtiyatları Uşaq-Gənclər İdman Məktəbinin təmsilçisi Ayan Fərəcova "Tibet" ləqəbli atla ikinci, eyni məktəbin digər təmsilçisi Valeriya Roşenko "Şəhzadə" ləqəbli atla üçüncü, "Elite" klubunun təmsilçisi Əhəd Məmmədov "Walonka" ləqəbli atla dördüncü və "Alart S" ləqəbli atla beşinci yeri tutublar.
L kateqoriyası üzrə yaş məhdudiyyəti olmadan 13 idmançının mübarizə apardığı yarışda "Gilan" atçılıq klubunun təmsilçisi Rahib İsmayılov "Cartanio" ləqəbli atla ilk pillənin sahibi olib. Növbəti yerləri "Elite" atçılıq klubunun təmsilçisi Aydan Ağayeva "Zidan D" ləqəbli atla ikinci, həmin idmançı "Zirvə 2" ləqəbli atla üçüncü, "Gilan" atçılıq klubunun təmsilçisi Elmar Abdullayev "Xəzər" ləqəbli atla dördüncü, "Buta Golden" atçılıq klubunun təmsilçisi Eqor Morotski "Guadella" ləqəbli atla tutublar.
M kateqoriyası üzrə 125 sm hündürlükdə qurulan maneələrdən ibarət yarışda yaş məhdudiyyəti qoyulmayan atlarla 11 idmançı iştirak etdib. Mübarizənin yekununda "Buta Golden" atçılıq klubunun təmsilçisi Eqor Morotski "Astrello" ləqəbli atla qalib adını qazanıb. "Gilan" atçılıq klubunun təmsilçisi Elmar Abdullayev "Xəzər" ləqəbli atla ikinci, "Elite" atçılıq klubunun təmsilçisi Aydan Ağayeva "Zidan D" ləqəbli atla üçüncü, "Buta Golden" atçılıq klubunun təmsilçisi Eqor Morotski "Guadella" ləqəbli atla dördüncü, "Elite" atçılıq klubunun təmsilçisi Anar Hümbətov "Damla" ləqəbli atla beşinci yerin sahibi olub.
Sonda hər üç kateqoriya üzrə birinci yerin sahiblərinə ARAF kuboku, ikinci və üçüncü yerlərin sahiblərinə medal, dördüncü və beşinci yerlərin sahiblərinə isə Azərbaycan Respublikası Atçılıq Federasiyasının diplomu təqdim edilib.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
