Lent.az
Bu yaxınlarda Almaniyada regional Almaniya liqasının oyunlarından birində uşaq hakimin cinsi orqanından dişlədiyi maraqlı hadisə baş verib.
Lent.az xarici mediaya istinadla xəbər verir ki, hakimin təcili tibbi yardıma ehtiyacı olduğu üçün oyun başqa tarixə təxirə salınıb.
İnsident "Taxi Duisburg II" və "Rot-Weiss Mülheim III" komandalarının meydana çıxmaq üzrə olduğu Kreisliqa C (11-ci Almaniya divizionu) oyunu başlamazdan əvvəl baş verib.
Hakimin rəsmi oyun protokolunda yazdığı kimi, sənədlərin yoxlanılması zamanı azyaşlı "Duisburg Taxi" oyunçularının yanından qaçıb. Hakimin sözlərinə görə, uşaq bir anda onu dişləyib.
Bu hadisədən sonra hakim həkimlərin xidmətinə müraciət etmək məcburiyyətində qalıb və qarşılaşmanı idarə edə bilməyib. Görüş başqa günə təyin edilib.
Bir az sonra məlum olduğu kimi, balaca xuliqan Duisburq taksiçilərindən birinin oğlu olub.
