Idman.biz
Azərbaycan Həmkarlar İttifaqları İdman Təşkilatları Assosiasiyasının (AHİTA) təşəbbüsü ilə Azərbaycan Həmkarlar İttifaqları Konfederasiyasında AHİTA ilə Azərbaycan Velosiped İdmanı Federasiyası arasında əməkdaşlıq məsələlərinə həsr olunmuş görüş keçirilib.
İdman.biz xəbər verir ki, görüş zamanı velosiped idmanının həmkarlar ittifaqları strukturları daxilində inkişafı, gənclərin idmana cəlb olunması, birgə tədbirlərin təşkili, maarifləndirmə layihələrinin həyata keçirilməsi və gələcək əməkdaşlıq perspektivləri ətrafında geniş fikir mübadiləsi aparılıb.
Görüşdə müzakirə olunan məsələlərə toxunan AHİTA İB-nin direktoru Tural Qasımov bildirib ki, velosiped yalnız idman növü deyil, həm də sağlam və ekoloji həyat tərzinin təbliğində mühüm vasitədir: "Biz AHİTA olaraq, federasiya ilə birgə layihələrin reallaşdırılmasını olduqca vacib hesab edirik".
Azərbaycan Velosiped İdmanı Federasiyasının vitse-prezidenti Fikrət Hüseynov isə görüşün əhəmiyyətini vurğulayaraq deyib ki, ictimai təşkilatlarla əməkdaşlığa daim açıqdırlar: "AHİTA ilə bu istiqamətdə aparılan danışıqlar gələcəkdə velosiped idmanının daha geniş təbliğinə imkan verəcək".
Tədbir zamanı iki qurum arasında ortaq fəaliyyət planının hazırlanması barədə ilkin razılıq əldə olunub və qarşılıqlı maraqlar əsasında birgə layihələrin həyata keçirilməsi, əməkdaşlığın davamlı xarakter alması üçün atılacaq növbəti addımlar müzakirə edilib.
İdman.biz
