AVRO-2024-ün A qrupunda III turun oyunları statistik məqamlarla yadda qalıb.
İdman.biz xəbər verir ki, İFFHS İsveçrə - Almaniya (1:1) və Şotlandiya - Macarıstan (0:1) görüşləri ilə bağlı hesabat hazırlayıb.
Final mərhələlərində 4-cü dəfə qarşılaşan İsveçrə və Almaniya sonuncu dəfə DÇ-1966-da üz-üzə gəlib. Bundestim 58 il əvvəl 5:0 hesabı ilə qalib gəlib.
Almaniya qrupda 8 qol vurub. Bundestim sonuncu belə yüksək məhsuldarlığı DÇ-2006-da göstərib. Onda da yarış Almaniyada keçirilib.
AVRO-2024-də ikinci dəfə qolla assistə eyni klubun futbolçuları imza atıb. "Bolonya"nın İsveçrə millisindəki üzvlərindən Remo Froylerin ötürməsini Dan Ndoye qola çevirib. Macarıstanla görüşdə də eyni klub və eyni yığma oyunçuları fərqlənib. Froylerin assistini Mişel Ebişer tamamlayıb.
Niklas Füllkruq dünya və Avropa çempionatlarının final mərhələlərində 4-cü dəfə oyuna sonradan daxil olaraq qol vurub. Bu, Avropa rekordudur.
Niklas Füllkruq həm də sonradan meydana daxil olaraq vurulan qol sayında Almaniya millisinin rekordçusudur.
Dan Ndoye İsveçrənin tarixinə Avropa çempionatlarında qol vuran ikinci ən gənc oyunçu kimi düşüb – 23 yaş 242 gün. Yohan Fonlanter AVRO-2004-də Fransaya qol vuranda 18 yaş 141 günlük olub.
Manuel Noyer Avropa çempionatlarında 18-ci matçını keçirib. Bu, qapıçılar arasında mütləq rekorddur. Noyer Canluici Buffon (17), Edvin van der Sar və Rui Patrisionu (hər ikisi 16) arxada qoyub.
Şotlandiya qatıldığı bütün final mərhələlərində qrupda qalıb – 12 dəfə (DÇ-1954, DÇ-1958, DÇ-1974, DÇ-1978, DÇ-1982, DÇ-1986, DÇ-1990, DÇ-1998, AVRO-1992, AVRO-1996, AVRO-2020, AVRO-2024).
Şotlandiya Avropa çempionatlarında pley-offa çıxmadan ən çox iştirak edən komandadır – 4 dəfə.
Şotlandiya AVRO-2024-də cəmi 17 zərbə vurub. Bu, 1980-ci ildən tətbiq olunan qrup mərhələlərinin antirekordun təkrarıdır. Şimali İrlandiya AVRO-2016-da eyni uğursuzluq yaşayıb.
Kevin Çobot əsas vaxtda ən gec vurulan qolun müəllifi olub. O, 99 dəqiqə 32-ci saniyədə fərqlənib.
İdman.biz