Idman.biz
Bolqarıstanın paytaxtı Sofiyada start götürən dünya çempionatı davam edir.
İdman.biz xəbər verir ki, Azərbaycanın iki yeniyetmə cüdoçusu bürünc medal uğrunda mübarizə aparacaq.
Məhəmmədəli Hüsiyev (55 kq) 1/4 finalda İsrail təmsilçisi Tom Dubrovskidən güclü olsa da, yarımfinalda İtaliya cüdoçusuna məğlub olub.
Anar Quliyev 1/4 finalda uduzsa da, təsəlliverici qarşılaşmada qalib gəldiyi üçün mübarizəni davam etdirir.
Xədicə Abdullayeva və Gülşən Hüseynova (hər ikisi 44 kq) isə əvvəlcə 1/4 finalda, ardınca təsəlliverici yarışda məğlub olublar.
***
14:40
Bu gün Bolqarıstanın paytaxtı Sofiyada yeniyetmə cüdoçular arasında dünya çempionatı start götürüb.
İdman.biz xəbər verir ki, ilk yarış günündə 3 çəki dərəcəsində 6 cüdoçumuz mübarizəyə qoşulub.
Onlardan üçü 1/4 finala yüksəlib.
Xədicə Abdullayeva, Gülşən Hüseynova (hər ikisi 44 kq) iki qarşılaşmada qələ qazanaraq medal uğrunda mübarizəni davam etdirirlər.
Anar Quliyev (50 kq) 1/8 finalda ermənistanlı Narek Davtyanı məğlub edib.
Rza Xəlilli (50 kq) və Rəsul Əlizadə (55 kq) 1/16 finalda uduzublar. Məhəmmədəli Hüsiyev (55 kq) 1/16 finalda qalib gələrək mərhələ adlayıb.
Qeyd edək ki, dünya çempionatında fərdi yarışlar avqustun 30-dək davam edəcək. Avqustun 31-də qarışıq komandaların mübarizəsi baş tutacaq.
***
10:53
Bu gün Bolqarıstanın paytaxtı Sofiyada yeniyetmə cüdoçular arasında dünya çempionatı start götürəcək.
İdman.biz xəbər verir ki, ilk yarış günündə 3 çəki dərəcəsində 6 cüdoçumuz mübarizəyə qoşulacaq.
44 kq
Gülşən Hüseynova 1/16 finalda Yana Pritulyakla (Rumıniya), Xədicə Abdullayeva isə eyni raundda Aynara Seitjanova (Qazaxıstan) ilə güləşəcək.
50 kq
Rza Xəlilli 1/16 finalda Tsvetelin Martinovla (Bolqarıstan) qarşılaşcaq.
Anar Quliyev Narek Davtyan (Ermənistan) / Dikqang Kvadibana (Botsvana) cütünün qalibi ilə üz-üzə gələcək.
55 kq
Rəsul Əlizadə 1/16 finalda Badar-Uqan Badamdorjla (Monqolustan) mübarizə aparacaq.
Məhəmmədəli Hüsiyev isə Viktor Uqo Silva (Braziliya) ilə münasibətlərə aydınlıq gətirəcək.
Qeyd edək ki, dünya çempionatında fərdi mübarizə avqustun 30-da bitəcək. Avqustun 31-də qarışıq komanda yarışı baş tutacaq.
İdman.biz
