Idman.biz
Sabah Almaniyanın Reyn-Rur bölgəsində keçirilən Universiadada cüdo turniri start götürəcək.
İdman.biz-in Almaniyaya ezam olunmuş əməkdaşı xəbər verir ki, bu yarışlar multiforumun əsas idman məkanı olan "Messe Essen"də baş tutacaq.
Təşkilatçılar artıq tatamiləri yerbəyer ediblər və texniki məsələlərlə məşğuldurlar. Qarşılaşmalar üç tatami üzərində keçiriləcək.
Qeyd edək ki, Azərbaycan komandası Universiadada bu heyətlə təmsil olunacaq: Babarəhim Mirzəyev (60 kq), Nazir Talıbov (66 kq), Nəriman Mirzəyev (73 kq), Mehdi Abbasov (81 kq), Elcan Hacıyev (90 kq), Davud Namazlı (100 kq) və Ramazan Əhmədov (+100 kq), Könül Əliyeva (48 kq), Aydan Vəliyeva (52 kq), Aytac Qardaşxanlı (70 kq), Nərmin Əmirli (78 kq) və Nigar Süleymanova (+78 kq).
Zəki Feyzullayev
İdman.biz
