Idman.biz
Almaniyanın Reyn-Rur bölgəsində keçirilən Ümumdünya Universitet Oyunlarında cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün üç azərbaycanlı cüdoçu tatamiyə çıxıb.
Nəriman Mirzəyev (73 kq) ilk görüşündə belçikalı Rey Marinksə, daha sonra Tenqo Zerakaşviliyə (Gürcüstan) qalib gələrək 1/4 finala yüksəlib.
Bu mərhələdə Olimpiadanın bürünc mükafatçısı Adil Osmanova (Moldova) məğlub olan idmançımız təsəlliverici yarışda Mardon Ravşanova (Özbəkistan) qalib gələrək bürünc uğrunda mübarizə aparacaq. Onun rəqibi Hans-Joris Ahibo (Fransa) olacaq.
***
15:08
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün üç azərbaycanlı cüdoçu tatamiyə çıxıb.
Nəriman Mirzəyev (73 kq) ilk görüşündə belçikalı Rey Marinksə, daha sonra Tenqo Zerakaşviliyə (Gürcüstan) qalib gələrək 1/4 finala yüksəlib. Bu mərhələdə Olimpiadanın bürünc mükafatçısı Adil Osmanova (Moldova) məğlub olan idmançımız təsəlliverici yarışda mübarizəni davam etdirəcək.
Əvvəlcə gürcüstanlı Mariam Çanturiyaya qalib gələn Aytac Qardaşxanlı (70 kq) isə sonra Mariam Boka (Almaniya) məğlub olub.
***
13:55
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün üç azərbaycanlı cüdoçu tatamiyə çıxıb.
Nəriman Mirzəyev (73 kq) ilk görüşündə belçikalı Rey Marinksə qalib gəlib. Daha sonra o, Tenqo Zerakaşvilini (Gürcüstan) də məğlub edərək 1/4 finala yüksəlib.
Mehdi Abbasov (81 kq) isə ilk görüşdə italiyalı Manuel Parlattiyə uduzub.
Aytac Qardaşxanlı (70 kq) gürcüstanlı Mariam Çanturiyaya qalib gəlib.
***
12:49
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün üç azərbaycanlı cüdoçu tatamiyə çıxacaq.
Nəriman Mirzəyev (73 kq) ilk görüşündə belçikalı Rey Marinksə qalib gələrək növbəti mərhələyə yüksəlib.
***
10:36
Almaniyanın Reyn-Rur regionunda keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün üç azərbaycanlı cüdoçu tatami üzərinə çıxacaq.
Nəriman Mirzəyev (73 kq) start görüşündə belçikalı Rey Marinks ilə qarşılaşacaq.
Mehdi Abbasov (81 kq) italiyalı Manuel Parlatti ilə üz-üzə gələcək.
Aytac Qardaşxanlı (70 kq) isə gürcü idmançısı Mariam Çanturiya ilə gücünü sınayacaq.
Yarışın birinci günündə cüdoçularımız medal qazana bilməyiblər. Ən yaxşı nəticəni beşinci yeri tutan Aydan Vəliyeva (52 kq) göstərib.
İdman.biz
