Idman.biz
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün dörd azərbaycanlı cüdoçu tatamiyə çıxıb.
Aydan Vəliyeva (52 kq) medal qazanmağa yaxın olub. İlk görüşündə Sreyniç Kuna (Kamboca), daha sonra Lea Bereşa (Fransa) qalib gələrək yarımfinala yüksəlib. Bu mərhələdə isə o, Hako Fukunaqaya (Yaponiya) uduzan cüdoçumuz bürünc uğrunda yarışıb. Həlledici görüşdə Tereza Moyvarovaya uduzan Aydan yarışı 5-ci pillədə başa vurub.
***
15:43
Almaniyanın Reyn-Rur bölgəsində keçirilən Universiadada cüdo yarışları davam edir.
İdman.biz-in Almaniyaya ezam olunmuş əməkdaşı xəbər verir ki, bu gün dörd azərbaycanlı cüdoçu tatamiyə çıxıb.
Aydan Vəliyeva (52 kq) ilk görüşündə Sreyniç Kuna (Kamboca), daha sonra Lea Bereşa (Fransa) qalib gələrək yarımfinala yüksəlib. Bu mərhələdə isə o, Hako Fukunaqaya (Yaponiya) uduzsa da, bürünc uğrunda mübarizəni davam etdirir.
***
14:05
Almaniyanın Reyn-Rur bölgəsində keçirilən Universiadada cüdo yarışlarına start verilib.
İdman.biz-in Almaniyaya ezam olunmuş əməkdaşı xəbər verir ki, bu gün tatami üzərinə dörd azərbaycanlı cüdoçu çıxıb.
Aydan Vəliyeva (52 kq) ilk görüşündə Kambocadan Sreyniç Kunu, daha sonra isə fransalı Lea Bereşi məğlub edərək yarımfinala yüksəlib.
Könül Əliyeva (48 kq) yarışa məğlubiyyətlə başlayıb – o, ilk görüşdə almaniyalı Helena Habibə uduzub.
Babarəhim Mirzəyev (60 kq) ilk qarşılaşmada polşalı İqor Blaşaka qalib gəlsə də, növbəti mərhələdə yaponiyalı Yamada Fukudaya məğlub olub.
Nazir Talıbov (66 kq) Haitidən Etnaison Sent-Hilar üzərində qələbə qazansa da, daha sonra ukraynalı Mikita Qoloborodkoya uduzub.
***
13:44
Almaniyanın Reyn-Rur bölgəsində keçirilən Universiadada cüdo yarışları başlayıb.
İdman.biz-in Almaniyaya ezam olunmuş əməkdaşı xəbər verir ki, bu gün dörd azərbaycanlı cüdoçu tatamiyə çıxır.
Təmsilçilərimizdən Babarəhim Mirzəyev (60 kq) ilk görüşündə polşalı İqor Blaşçaka qalib gəlib.
Nazir Talıbov da Haiti təmsilçisi Etnaison Sent-Hilardan güclü olub.
***
09:30
Almaniyanın Reyn-Rur bölgəsində keçirilən Universiadada cüdo yarışları başlayır.
İdman.biz-in Almaniyaya ezam olunmuş əməkdaşı xəbər verir ki, bu gün dörd azərbaycanlı cüdoçu tatamiyə çıxacaq.
Babarəhim Mirzəyev (60 kq) polşalı İqor Blaşçakla qüvvəsini sınayacaq.
Nazir Talıbov Haiti təmsilçisi Etnaison Sent-Hilar ilə qarşılaşacaq.
Qadınların yarışında Könul Əliyeva (48 kq) və Aydan Vəliyeva (52 kq) mübarizəyə ikinci mərhələdən başlayacaqlar.
İdman.biz
