Sport24.az
Ukraynanın cüdo millisi fevralın 14-16-da Bakıda keçiriləcək "Böyük Dəbilqə" turniri üçün heyətində dəyişiklik edib. Sport24.az xəbər verir ki, komandada əvvəlcə 6 idmançı yer alsa da, sonra Artem Lesyuk (60 kq) və Diana Semçenko (+78 kq) siyahıdan çıxarılıblar.
Bununa belə, yarışa vaxtilə ölkəmizdə fəxri kürsüyə yüksəlmiş iki idmançı gələcək. Onlardan Yuliya Kurçenko (78 kq) ötən il "Böyük Dəbilqə" turnirində gümüş medal qazanıb, Dilşod Xalmatov (60 kq) isə 2022-ci ildə finalda mübarizə aparıb.
Bakıda həmçinin Yevgeni Balievski (+100 kq) və Kristina Qoman (+78 kq) da mübarizə aparacaqlar.
