İdman.biz
Rüstəm Orucov Macarıstanın Dyer şəhərində keçirilən cüdo üzrə Avropa Ümid Kubokunda idman komissarı kimi iştirak edib.
İdman.biz xəbər verir ki, o, həm də Kodokan ekspertlərinin texniki sessiyasına qatılıb.
Bu tədbir iyunun ilk günlərində baş tutub. Orucov Macarıstan səfəri haqda fikirlərini açıqlayıb: "Yeniyetmə yaşlarında olan cüdoçuların beynəlxalq səviyyədə mübarizə aparmasını görmək xoş oldu. Belə praktika onlara gələcək böyük turnirlər üçün təcrübə qazanmaq imkanı verir. Olimpiya Oyunlarının ikiqat bürünc mükafatçısı və üçqat dünya çempionu Misato Nakamura ilə birlikdə texniki sessiyada iştirak etmək də çox xoş idi".
İdman.biz
