İdman.biz
Avropa Cüdo İttifaqının idman komissarı Rüstəm Orucov Səudiyyə Ərəbistanında keçirilən konfransda iştirak edib.
İdman.biz xəbər verir ki, azərbaycanlı mütəxəssis təcrübəsini bölüşmək üçün ər-riyadlı təşkilatçılar tərəfindən dəvət edilib.
Rüstəm Orucov "Fəxri kürsüyə gedən yol: səudiyyəli olimpiyaçılar və paralimpiyaçılar" adlı konfransla bağlı təəssüratlarını bölüşüb:
"Bu konfrans əla insanlarla tanış olmaq çox xoş idi. Cüdonun inkişafı ilə bağlı təcrübəmi bölüşmək şərəfinə nail oldum. Mən bu insanlarda Səudiyyə Ərəbistanında idmanı təbliğ etmək üçün böyük istək gördüm. Ümid edirəm ki, məsləhətlərim regionda cüdonun uğurlu inkişafına töhfə verəcək".
Qeyd edək ki, Orucov 2016 Olimpiadasının gümüş mükafatçısı, dünya çempionatının ikiqat finalçısıdır.
