Sport24.az
Cüdo üzrə hər "Böyük Dəbilqə" turnirinin, o cümlədən fevralın 14-16-da Bakıda keçiriləcək yarışın qalibləri 5 min avro məbləğində mükafat qazanacaqlar. Sport24.az xəbər verir ki, bu rəqəmlər "Böyük Dəbilqə" yarışlarının reqlamentində göstərilib.
Turnirin gümüş mükafatçıları 4 min avro, bürünc medalçılar isə hərəyə 1,5 min avroluq çek alacaqlar. "Böyük Dəbilqə"nin ümumi mükafat fondu isə 150 min dollardır.
Qeyd edək ki, bu il ilk yarış fevralın 1-2-də Parisdə keçiriləcək.
