Qələndərzadə və Şükürov Avropada zirvəyə yüksələ bilər...

Estoniyanın Tallin şəhərində cüdo üzrə gənclər arasında Avropa çempionatı davam edir. Sport24.az xəbər verir ki, 2-ci yarış günündə 3 cüdoçumuz tatamiyə çıxıb.

Vüsal Qələndərzadə (73 kq) və Süleyman Şükürov (81 kq) uğurlu çıxış edərək yarımfinala yüksəlib.

Avropa çempionatı
73 kq
Vüsal Qələndərzadə 1/16 final mərhələsində kosovolu Dion Şarapollini üstələyib. O, daha sonra Emre Karadumana (Türkiyə) qalib gəlib. Qələndərzadə1/4 finalda Peter Jeanı yolundan kənarlaşdıraraq yarımfinala yüksəlib. O, növbəti rəqibi Mate Beruaşvilini (Gürcüstan) də məğlub edib. Qələndərzadənin finalda rəqibi bolqarıstanlı Dimitar Qospodinov olacaq.

İlk mərhələdə güləşməyə başlayan Aydın Rzayev İbrahim Demirəldən (Türkiyə) üstün olub. O, daha sonra Vlad Mitru (Moldova) üzərində qələbəni təmin edib. Rzayev 1/8 fianalda danimarkalı Morqan Errboeyə məğlub olub. Rəqib 1/4 finalda uduzduğu üçün Aydın mübarizəni dayandırıb.

81 kq
Süleyman Şükürov da 1/16 finaldan başlayıb. O, ilk olaraq Petrov Kesova (Kipr) qalib gəlib. Şükürov daha sonra Luka Zorotoviç (Xorvatya) və Luka Cavakhişvilini (Gürcüstan) məğlub edərək yarımfinala yüksəlib. Süleyman final uğrunda görüşdə İqor Tsurkanı (Ukrayna) üstələyib. Şükürovun həlledici görüşdə rəqibi gürcüstanlı Aleksadre Loladze olacaq.

Qeyd edək ki, ilk gündən sonra millimizin aktivində 2 qızıl, 1 gümüş medal var. Könül Əliyeva (48 kq) və Fidan Əlizadə (57 kq) fəxri kürsünün ən yüksək pilləsində yer alıb. Nizami İmranov (60 kq) gümüş medal qazanıb.