Sport24.az
Beynəlxalq Cüdo Federasiyası (IJF) Parisdə keçirilən "Böyük Dəbilqə" turniri başa çatınca dünya reytinqini yeniləyib. Sport24.az xəbər verir ki, yarışın qalibi Ruslan Paşayev (66 kq) ilk "iyirmiliy"ə düşüb.
Azərbaycan cüdoçusu reytinqdə 15 pillə irəliləyərək hazırda 19-cu yerdə qərarlaşıb.
Rəşid Məmmədəliyev (73 kq) İlk "onluğ"a yüksəlib: "Böyük Dəbilqə" turnirinin bürünc mükafatı ona "+3" əlavə edib və nəticədə 10-cu mövqeyə qalxıb.
Turnirin daha bir bürünc mükafatçısı da reytinqini yaxşılaşdırıb: Ömər Rəcəbli beş pillə irəliləyərək 23-cü yerdə qərarlaşıb.
Bu arada, Hidayət Heydərov (73 kq) və Zelim Kotsoyev (100 kq) liderliklərini qoruyaraq öz kateqoriyalarında inamla 1-ci yeri tuturlar.
Zelim Tskayev (81 kq) 8-cidən 10-cu yerə enib, Uşanqi Kokauri (+100 kq) isə ilk "onluğ"u tərk edib və hazırda 11-cidir. Turan Bayramov (60 kq) bir pillə irəliləyərək 15-ci yeri tutur.
