Sport24.az
Dünya cüdosunda nominasiyalar üzrə 2024-cü ilin ən yaxşılarının müəyyənləşməsinə 5 gün qalıb. Sport24.az xəbər verir ki, Beynəlxalq Cüdo Federasiyası (IJF) müxtəlif nominasiyalar üzrə sorğunu davam etdirir.
Səsvermə 2024-cü il dekabrın 10-da başlayıb və bu il yanvarın 10-dək davam edəcək.
Olimpiya və dünya çempionlarımız Hidayət Heydərov (73 kq) və Zelim Kotsoyev (100 kq) "İlin cüdoçusu" adına namizəddirlər. Azərbaycan idmançıları səsvermədə Hifume Abe, Takanori Naqase (hər ikisi - Yaponiya), Teddi Riner (Fransa), Laşa Bekauri (Gürcüstan) və Eldos Smetov (Qazaxıstan) ilə mübarizə aparırlar.
Azərbaycan daha dörd nominasiya üzrə səsvermədə təmsil olunur. "İlin məşqçisi" adına namizədlər arasında kişilərdən ibarət millimizin məşqçisi Rixard Trautman da var. Yeniyetmələr arasında dünya çempionu Nihad Məmişov "Parlamağa başlayan ulduz" nominasiyasında mübarizə aparır. "İlin ipponu" üçün səsvermədə isə Turan Bayramov və Zelim Tskayevin yerinə yetirdiyi fəndlər də var.
"Uşaqlar üçün cüdo" nominasiyasında namizədlər arasında Azərbaycan Cüdo Federasiyasının "Adaptiv cüdo" layihəsi də yer alıb.
2024-cü ildə cüdoda dünyanın ən yaxşıları mükafatlarını fevralın 1-2-də Parisdə keçiriləcək "Böyük Dəbilqə" turniri zamanı alacaqlar.
