Idman.biz
Azərbaycanın ev sahibliyi etdiyi III MDB Oyunlarında sambo yarışları başa çatıb.
İdman.biz xəbər verir ki, yarışlar Göygöl Olimpiya İdman Kompleksində təşkil olunub.
Azərbaycanın səkkiz idmançısı fəxri kürsüyə yüksəlib.
Azərbaycan təmsilçilərindən Abdullətif Musayev (53 kiloqram), Nihad Rəhimov (64 kiloqram) qızıl, Əbubəkir Hüseynov (98 kiloqram), Rəsul Səmədli (+98 kiloqram), Rüstəm Qasımzadə (58 kiloqram) gümüş, Sadiq Nadirov (79 kiloqram), Mikayıl Əmirov (71 kiloqram ) və Xəzər Əmrahlı (88 kiloqram) isə bürünc medal qazanıblar.
18:13
Göygöl Olimpiya İdman Kompleksində III MDB Oyunları çərçivəsində sambo yarışları davam edir.
İdman.biz bildirir ki, Azərbaycan samboçusu Nihad Rəhimov (64 kq) III MDB Oyunlarında qızıl medal qazanıb.
İdmançımız finalda Rusiya təmsilçisi Artem Karisovla üz-üzə gəlib. Rəqibinə qalib gələn Rəhimov fəxri kürsünün ən yüksək pilləsinə qalxıb.
14:52
Bu gün Göygöl Olimpiya İdman Kompleksində III MDB Oyunları çərçivəsində sambo yarışlarına start verilib.
İdman.biz xəbər verir ki, yarışlar kişilər arasında 8 çəki dərəcələrində keçirilir.
Beş çəkidə Azərbaycan təmsilçiləri finala yüksəliblər. Abdullətif Musayev (53 kq), Rüstəm Qasimzadə (58 kq), Nihad Rəhimov (64 kq), Əbubəkir Hüseynov (98 kq), Rəsul Səmədli (+ 98 kq) qızıl medal uğrunda vuruşacaqlar. Eyni zamanda 71 kq-da Mikayıl Amirov və 88 kq-da Xəzər Əmrahlı yarımfinalda uduzublar və bürünc medal üçün mübarizə aparacaqlar.
Qeyd edək ki, medal görüşləri saat 17:00-da başlayacaq.
11:23
Sentyabrın 29-da Göygöl Olimpiya İdman Kompleksində sambo üzrə III MDB Oyunlarına start verilib.
İdman.biz xəbər verir ki, xalça üzərində azərbaycanlı samboçu Nihad Rəhimov ilə qırğızıstanlı Nikita Pak qarşılaşıb.
Gərgin keçən görüşdə idmançımız üstünlüyünü nümayiş etdirərək rəqibini məğlub edib və qələbə qazanıb.
11:20
Sentyabrın 29-da Göygöl Olimpiya İdman Kompleksində sambo üzrə III MDB Oyunlarına start verilib.
İdman.biz xəbər verir ki, seçmə mərhələdə xalçaya çıxan ilk idmançılardan biri azərbaycanlı samboçu Əbdülətif Musayev olub. Onun rəqibi isə tacikistanlı Mirzokarim İsmayılov olub.
İdmançımız seçmə mərhələsində görüşün əvvəlindən üstünlüyünü nümayiş etdirərək rəqibini məğlub edib və qələbə qazanıb.
