İdman.biz
Düşənbədə (Tacikistan) gənclər arasında cüdo üzrə dünya çempionatı davam edir.
İdman.biz xəbər verir ki, ikinci yarış günündə iki Azərbaycan millisinin 2 idmançısı mübarizəyə qoşulub.
Dünya çempionatı
Oğlanlar
73 kq
Dünya çempionu Vüsal Qələndərzadə yarışa ikinci mərhələdən başlayıb. O, 1/16 finalda Anton Duboviki (IJF) məğlub etsə də, ardınca Yusuke Takeiçiyə (Yaponiya) uduzub.
Qızlar
57 kq
Mübarizəyə ikinci mərhələdən qoşulan Fidan Əlizadə Nino Tsiklauri (Gürcüstan) və Aleksandra Kana (Tacikistan) qalib gəlib. O, 1/4 finalda Karolina Senniçkaya (Polşa) məğlub olduğundan təsəlliverici görüşə qatılacaq. Əlizadənin rəqibi braziliyalı Bianka Reis olacaq.
Qeyd edək ki, yığmamız ilk günü medalsız başa vurub. Nizami İmranov (60 kq) və Aydan Vəliyeva (52 kq) bürünc uğrunda görüşlərdə məğlub olublar.
İdman.biz
