Sport24.az
Fevralın 1-2-də Parisdə keçiriləcək "Böyük Dəbilqə" turnirində Azərbaycanın altı cüdoçusu seçilmişlər arasında yer alacaq. Sport24.az xəbər verir ki, təmsilçilərimizdən ən yüksək yeri öz çəkisində üçüncü start nömrəsi olan Murad Fətiyev (90 kq) tutacaq.
Həmçinin Əhməd Yusifov (60 kq), Ruslan Paşayev (66 kq), Rəşid Məmmədəliyev (73 kq), Ömər Rəcəbli (81 kq) və Uşanqi Kokauri (+100 kq) "seçilmişlər" arasındadırlar.
Bu cüdoçular ilk döyüşlərdə reytinqi daha aşağı olan rəqiblərlə qarşılaşa və ya yarışa ikinci mərhələdən başlaya bilərlər.
Qeyd edək ki, turnirdə 11 idmançımız çıxış edəcək. Fransa paytaxtında tatami üzərinə həmçinin Hüseyn Allahyarov (60 kq), Rəşid Elkiyev (66 kq), Vüsal Qələndərzadə (73 kq), Əjdar Bağırov (100 kq) və Kənan Nəsibov (+100 kq) çıxacaq.
