İdman.biz
İyunun 12-14-də cüdoçularımız Bosniya və Herseqovinanın paytaxtı Sarayevo şəhərində keçirilən Kadokan Kata seminarında və imtahanda iştirak ediblər.
İdman.biz xəbər verir ki, 3 gün ərzində davam edən seminara Kodokan Cüdo İnstitutunun prezidenti Uemura Haruki Kanço və Kodokan cüdo mütəxəssisləri qatılıblar.
Seminarda Malik Alahverdiyev, Samir İsmayılov, İsmayıl Rzayev, İbrahim Aslanov, Rafiq Nəcəfov, Əmrah Əhmədov və Olimpiya mükafatçısı Rüstəm Orucov iştirak ediblər. Kadokan Kata seminarı yaponiyalı Kadokan mütəxəssisləri Sameşima Motonari (8-ci dan), Karya Çikara (6-cı dan), İvanaqa Kento (8-ci dan) və Arikava Yuki (6-cı dan) tərəfindən keçirilib. Cüdoçularımız təlim zamanı əyani sürətdə imtahan verərək müvəffəqiyyətlə başa vurub.
Kadokan Kata seminarı bacarıqların təkmilləşdirlməsi, katanın dərindən öyrənmək üçün unikal imkan yaradır və bu sahədə dünyada ən aparıcı məktəblərdən sayılır.
Qeyd edək ki, Azərbaycan Cüdo Federasiyası bundan sonra da cüdoçuların ustalıq səviyyəsini artırmaq üçün bu cür seminarlarda cüdoçuların iştirakını dəstəkləyəcək.
İdman.biz
