Sport24.az
Cüdo məşqçiliyi üzrə təhsil alan 2-ci kurs tələbələri üçün xarici ekspertlərin iştirakı ilə praktiki dərslər keçirilib. Sport24.az xəbər verir ki, tədris Azərbaycan Cüdo Federasiyası, Azərbaycan İdman Akademiyası və Böyük Britaniyanın Hertfordşir Universiteti arasında bağlanmış Anlaşma Memorandumuna əsasən təşkil olunub.
Tədris prosesinə Hertfordşir Universitetinin professoru Dr. Mayk Kallanla yanaşı yerli və əcnəbi mütəxəssislər cəlb edilib. Praktiki dərsləri xarici mütəxəsis Avropa Cüdo Birliyinin təhsil komissiyasının üzvü və Olimpiya mükafatçısı Nuno Delqado, yerli mütəxəssislər Beynəlxalq Cüdo Federasiyasının Akademiyasının eksperti Rüstəm Orucov, dünya və Avropa çempionatlarının mükafatçısı Orxan Səfərov, məşqçi Samir İsmayılov keçirib.
