Bahadır Feyzullayev Avropa çempionu olub

Bolqarıstanın paytaxtı Sofiyada yeniyetmə cüdoçular arasında Avropa çempionatına start verilib.

İdman.biz xəbər verir ki, yarışın ilk günündə Azərbaycan millisinin 9 cüdoçusu tatamiyə çıxıb.

Bahadır Feyzullayev finala qədər irəliləyib. Təmsilçilərimizdən ikisi bürünc uğrunda görüşə çıxacaq.

Oğlanlar
50 kq
Bahadır Feyzullayev ilk görüşdə Maykl Eydana (İsrail), ardınca Furkan Gülə (Türkiyə) qalib gəlib.

Məmmədəli Hüsiyev Nelu Malik (Moldova) və Tomas Gedoni (İtaliya) üzərində qələbələri sıralayıb.

Yarımfinalda təmsilçilərimiz üz-üzə gəlib. Qələbə qazanan Feyzullayev qızıl medal uğrunda Rostislav Kostrıkinlə üz-üzə gəlib. Qalib gələn cüdoçumuz Avropa çempionu olub. Hüsiyev isə bürünc uğrunda görüşdə erməni Şavarş Nahapetyana qalib gəlib.

55 kq
Nihad Məmişov ilk görüşdə Aleks Miloşeviçə (Serbiya) uduzub.

60 kq
Nihad Rəhimov öncə Kyartan Qrey (İslandiya), ardınca Tomas Palilloya (İtaliya) qalib gəlsə də, 1/4 finalda Yakub Kurovskiyə (Polşa) uduzub. O, yoluna təsəlliverici mərhələdə Emil Rəcəbxanov (AİN) üzərində qələbə qazanan cüdoçumuz bürünc uğrunda qarşılaşmada Şalev Koenlə (İsrail) görüşəcək.

Qızlar
40 kq
Xədicə Abdullayeva ilk qarşılaşmasında Ema Vasilyevaya (Bolqarıstan) məğlub olub.

44 kq
Leyla Ələkbərova Stella Papai (Macarıstan) və Yuvay Qabaya (Macarıstan) qalib gələrək 1/4 finala adlayıb. İdmançımız bu mərhələdə Natalya Proliç (Serbiya), təsəlliverici raundda Kalina Qriqorova (Bolqarıstan) səddini keçə bilməyib.
Nərmin Məmmədli Xantia Stilianu (Kipr) üzərində qələbədən sonra Yeva Evinqə (Böyük Britaniya) məğlub olub.

48 kq
Diana Eldarova Noa Hadar (İsrail) və Xrisrina Xristoforu (Kipr) mübarizədən kənarlaşdırıb. O, Şarlotta Nittesneymə (Almaniya) uduzub.
Nuranə Hacızadə isə Petra Culyaka (Bosniya və Herseqovina) qalib gəlsə də, 1/8 finalda Elif Kılıcla (Türkiyə) bacarmayıb.

İdman.biz