İdman.biz
Avstriyanın Qrats şəhərində Avropa Cüdo Birliyi (EJU) tərəfindən hakimlər üçün B kateqoriyalı beynəlxalq dərəcəli hakim adının alınması üçün imtahan keçirilib.
İdman.biz xəbər verir ki, imtahanda Azərbaycan Cüdo Federasiyasının hakimlər heyətinin üzvləri Pərviz Hüseynov və Mehman İmamquliyev da iştirak ediblər.
İlkin olaraq referilər nəzəri hissəyə dair imtahan veriblər. Daha sonra, iyunun 1-2-də keçirilən gənclər arasında Avropa Kuboku yarışlarında görüşləri idarə edərək praktiki imtahandan keçiblər. Həm nəzəri, həm də praktiki imtahanı yaxşı nəticə ilə keçən hakimlərimiz B kateqoriyalı hakimlik lisenziyasını əldə ediblər.
İdman.biz
