Idman.biz
Azərbaycan Dünya Cüdo Turunun ümumi sıralamasında 9-cu yerdəki mövqeyini qoruyub saxlayır.
İdman.biz xəbər verir ki, ilin əvvəlindən bəri idmançılarımız "Böyük Dəbilqə" seriyasına daxil olan turnirlərdə 4 qızıl, 4 gümüş və 5 bürünc medal qazanıblar.
Bu nəticə Cənubi Koreya, Almaniya, İtaliya, Macarıstan və bir çox digər ölkələri qabaqlamağa imkan verib.
Siyahıya Yaponiya liderlik edir (28 qızıl, 22 gümüş, 22 bürünc), ikinci yerdə IJF bayrağı altında çıxış edən cüdoçular (13-12-18), üçüncü pillədə isə Fransa (12-9-21) qərarlaşıb.
İdman.biz
