Sport24.az
Qazaxıstanın paytaxtı Astanada təşkil olunan güləş üzrə Dünya Çempionatında Azərbaycan millisinin sərbəst güləşçiləri növbəti qarşılaşmalarını keçiriblər. Sport24.az xəbər verir ki, 86 kq çəki dərəcəsində mübarizə aparan təmsilçimiz Arseni Cioyev 1/4 final mərhələsində Yunanıstanın güclü idmançısı, dünya və Avropa çempionu Georgios Kugiumtsidisi 3:1 hesabı ilə məğlub edərək yarımfinala adlayıb.
O, həlledici finalın astanasında Gürcüstan pəhləvanı Vladimeri Qamkrelidze ilə qüvvəsini sınayacaq.
Digər ağır çəkili güləşçimiz Giorgi Meşvildişvili isə yarımfinalda Rusiya təmsilçisi Abdulla Kurbanovla üz-üzə gələcək.
Qeyd edək ki, yarışda digər idmançımız Kənan Heybətov (70 kq) 1/4 finalda ABŞ güləşçisi Zeyn Reterfordla görüşdə 0:7 hesabı ilə məğlub olub. Həmyerlimizin bürünc medal qazanmaq üçün təsəlliverici görüşlərə qatılması rəqibinin yarımfinaldakı nəticəsindən asılı olacaq.
