Idman.biz
Beynəlxalq Cüdo Federasiyasının təqviminə əsasən, oktyabrın 17-19-da Meksikanın Qvadalaxara şəhərində Qran-pri turniri keçiriləcək.
Bu barədə İdman.Biz-ə Azərbaycan Cüdo Federasiyasından məlumat verilib.
Bildirilib ki, yarışda kişilərdən ibarət millinin baş məşqçisi Riçard Trautman və böyük məşqçi Elçin İsmayılovun başçılığı altında yeddi çəki dərəcəsində 11 cüdoçu ilə təmsil olunacaq.
Qran-pridə Əhməd Yusifov, Balabəy Ağayev (hər ikisi 60 kq), Ruslan Paşayev, Yaşar Nəcəfov (hər ikisi 66 kq), Hidayət Heydərov, Rəşid Məmmədəliyev (hər ikisi 73 kq), Vüsal Qələndərzadə, Zelim Tçkayev (hər ikisi 81 kq), Murad Fətiyev (90 kq), Zelim Kotsoyev (100 kq) və Uşanqi Kokauri (+100 kq) mübarizə aparacaq.
Qeyd edək ki, üç gün davam edəcək turnirdə 35 ölkədən 248 idmançı (154 kişi, 96 qadın) iştirak edəcək.
