Idman.biz
Oktyabrın 4-də III MDB Oyunları çərçivəsində keçirilən cüdo üzrə fərdi yarışlara yekun vurulub. Göygöl Olimpiya İdman Kompleksində təşkil olunan turnirdə 16 çəki dərəcəsi üzrə 28 idmançımız tatamiyə çıxıb.
Yığmamız toplamda 5 qızıl, 7 gümüş və 9 bürünc olmaqla 21 medal qazanıb. Gülşən Hüseynova (-44 kq), Könül Eyvazlı (-48 kq), Nərmin Ağamirzəzadə (-52 kq), Zeyd Ələsgərov (-60 kq) və Fəxri Sahibzadə (-66 kq) çempion olub.
Sunay Salamova (-40 kq), Nəzakət Vəliyeva (-57 kq), Məhəmmədəli Hüsüyev (-55 kq), Röyal Qayıbov (-60 kq), Hüseyn Hüseynov (-60 kq), Məhəmməd Ağakişiyev (-81 kq) və Sübhan Axundov (+90 kq) gümüş medallara sahib çıxıb.
Bürünc medalları isə komandamızın aktivinə Xədicə Abdullayeva (-44 kq), Aysun Məmmədova (-52 kq), Fidan Cəlilli (-70 kq), Zemfira Əliyeva (+70 kq), Anar Quliyev (-50 kq), İbrahim Talıbov (-55 kq), Sadiq Məmmədov (-73 kq), Nurəddin Əliyev (-90 kq) və Tunar Fərzəliyev (+90 kq) yazdırıb.
Millimiz bu nəticə ilə fərdi yarışları ümumi komanda hesabında ikinci, qızların mübarizəsində isə birinci pillədə tamamlayıb. Qeyd edək ki, Oyunlarda 6 ölkəni təmsil edən 91 cüdoçu (50 oğlan, 41 qız) mübarizə aparıb.
Sabah cüdo üzrə qarışıq komanda yarışları keçiriləcək.
17:55
Azərbaycan cüdoçuları III MDB Oyunlarında uğurlu çıxışlarını davam etdirir.
İdman.biz "Report"a istinadla xəbər verir ki, 60 kq çəkidə Zeyd Ələsgərov qızıl medal qazanıb, eyni çəkidə çıxış edən Röyal Qayıbov isə gümüş medalla kifayətlənib.
44 kq çəkidə Gülşən Hüseynova da qızıl medal əldə edib, Xədicə Abdullayeva isə bürünc medala sahib olub.
55 kq çəkidə Məhəmmədəli Hüsiyev gümüş, İbrahim Talıbov isə bürünc medal qazanaraq Azərbaycan cüdoçularının uğurlarına əlavə edib.
17:32
Azərbaycan daha iki cüdoçusu III MDB Oyunlarında medal qazanıb.
İdman.biz "Report"a istinadla xəbər verir ki, finalda uduzan Sunay Salamova (40 kq) gümüş medal medalla kifayətlənib.
Anar Quliyevin (50 kq) qazancı isə bürünc medal olub.
13:30
Azərbaycanın cüdoçuları III MDB Oyunlarında uğurlu çıxışlarını davam etdirir.
İdman.biz xəbər verir ki, Fidan Cəlilli (+70 kq) turnirdə üçüncü yerə çıxaraq bürünc medal qazanıb.
Eyni zamanda, Zemfira Əliyeva (+70 kq) da fərdi kateqoriyada üçüncü yerə sahib çıxıb. Hər iki çəki dərəcəsində görüşlər dairə sistemi üzrə keçirilib.
Qeyd edək ki, III MDB Oyunlarında cüdo yarışları oktyabrın 5-də başa çatacaq.
12:10
Azərbaycanın 12 cüdoçusu III MDB Oyunlarında finala vəsiqə qazanıb.
İdman.biz xəbər verir ki, onlardan 7-si oğlan, 5-i qız idmançılardır.
Oğlanlardan Məhəmmədəli Hüsiyev (55 kq), Zeyd Ələsgərov, Röyal Qayıbov (hər ikisi 60 kq), Hüseyn Hüseynov, Fəxri Sahibzadə (hər ikisi 66 kq), Məhəmməd Ağakişiyev (81 kq), Sübhan Axundov (+90 kq), qızlardan Sunay Salamova (40 kq), Gülşən Hüseynova (44 kq), Könül Eyvazlı (48 kq), Nərmin Ağamirzəzadə (52 kq) və Nəzakət Vəliyeva (57 kq) həlledici raunda yüksəliblər.
11:32
Azərbaycanın altı cüdoçusu III MDB Oyunlarında finala vəsiqə qazanıb.
İdman.biz xəbər verir ki, Məhəmmədəli Hüsüyev (55 kq), Sunay Salamova, Zeyd Ələsgərov (60 kq), Gülşən Hüseynova (44 kq), Hüseyn Hüseynov və Fəxri Sahibzadə (hər ikisi 66 kq) bu raundadək irəliləyə bilib.
Qeyd edək ki, bu gün start götürən cüdo yarışları sabah başa çatacaq.
