Idman.biz
İyulun 5-6-da Çexiyanın paytaxtı Praqada cüdo üzrə gənclər arasında Avropa kuboku keçiriləcək.
İdman.biz xəbər verir ki, Avropa Cüdo Birliyinin təşkilatçılığı ilə reallaşacaq yarışda Azərbaycan 10 çəkidə 22 cüdoçu (14 oğlan, 8 qız) ilə təmsil olunacaq.
Avropa Kubokunda Azərbaycanı Mirxaliq İskəndərov, Ayxan Mirzəzadə, Nicat Eyvazov (hər üçü 60 kq), Mehdi Cəfərov, Səlim Sultanov, Nihad Yəhyayev (hər üçü 73 kq), Nahid Tarquliyev, Roman Qarayev, Mehdi Abbasov, Cəsur İbadlı (hamısı 81 kq), Canpolad Əliyev, Əli Qazıməmmədov (hər ikisi 90 kq), Davud Namazlı, Vidad Əliyev (hər ikisi 100 kq), Aydan Vəliyeva, Xədicə Qədəşova (hər ikisi 52 kq), Fidan Qasımova, Gülnarə Bayramova (hər ikisi 57 kq), Nilgün Rzayeva, Leyla Atayeva (hər ikisi 63 kq), Pərvanə Abdullayeva (70 kq) və Nigar Süleymanova (+78 kq) təmsil edəcək.
Qeyd edək ki, 32 ölkədən 447 idmançının (280 oğlan, 167 qız) qüvvəsini sınayacağı turnirin ədalət təmsilçiləri arasında Azərbaycan Cüdo Federasiyasının hakimlər heyətinin üzvləri, "A" kateqoriyalı beynəlxalq dərəcəli hakimlər Arzu Acalova və Akif Tahirov da yer alacaq.
İdman.biz
