Idman.biz
Sidney Olimpiya Oyunlarının sərbəst güləş üzrə gümüş mükafatçısı və keçmiş UFC orta çəki tituluna iddialı kubalı Yoel Romero, keçmiş AMC Fight Night yarımağır çəki çempionu rusiyalı Vahab Vahabovla yalın əllə döyüşəcək.
İdman.Biz bildirir ki, döyüş "IBA Bare Knuckle" çərçivəsində olacaq.
Romero və Vahabov artıq qarşılaşmadan əvvəl ilk göz döyüşünü keçiriblər.
Xatırladaq ki, 24 fevral 2024-cü ildə PFL vs. Bellator turnirində keçirilən son MMA döyüşündə Romero braziliyalı Tiaqo Santosu yekdil qərarla məğlub etmişdi. "Tanrı əsgəri"nin MMA rekordu 16 qələbə və yeddi məğlubiyyətdir.
Vahabovun son döyüşü 2021-ci ildə AMC Fight Night turnirində olub. O, üçüncü raundda Hassan Yusifi nokautla məğlub edib. Vahab promouşenin yarımağır çəkidə titulunu qazanıb. MMA-da rusiyalı 29 qələbə, bir məğlubiyyət və bir heç-heçə rekorduna malikdir.
