Idman.biz
Rusiyalı qarışıq döyüş ustası Umar Nurmaqomedov dekabrın 7-də Las Veqasdakı UFC 323 turnirində keçiriləcək Petr Yan - Merab Dvalişvili döyüşü barədə fikirlərini bölüşüb.
İdman.Biz xəbər verir ki, o, bu barədə "WEIGHING IN" "YouTube" kanalına müsahibəsində bildirib:
"Son döyüşündən sonra Merab çox inkişaf edib. Onun Kori Sendhegenlə qarşılaşması göstərdi ki, o, bütün gecəni döyüşə bilər. Bu, Petr üçün böyük problemdir. Yanın müdafiəsi o qədər də güclü deyil, amma yumruqları çox təhlükəlidir və nokauta salmaq gücünə malikdir. Lakin döyüşü vaxtından əvvəl bitirə bilməsə, düşünürəm, Merab onu parçalayar".
Qeyd edək ki, UFC 323 turnirinin əsas döyüşü olacaq Yan – Dvalişvili qarşılaşması dekabrın 7-də Las Veqasdakı "T-Mobile Arena"da baş tutacaq .
