Idman.biz
Ağır çəkidə UFC titulunun hazırkı sahibi, 32 yaşlı qarışıq döyüş növlərinin ustası ingilis Tom Aspinall bütün "Mançester Siti" futbol klubunun oyunçuları arasında ən çox 25 yaşlı norveçli hücumçu Erlinq Halandla məşq etmək istədiyini söyləyib.
İdman.Biz "TNT Sports"a istinadla xəbər verir ki, Aspinalldan "Mançester Siti"nin hansı futbolçusunu məşqə dəvət etmək istədiyi və bunun səbəbi soruşulub.
Aspinal cavabında deyib: "Çox güman ki, Erlinq Haland ilə məşq etmək istərdim, çünki o, elit oyunçudur. Siz gözləyirdiz ki, Ceyms Traffordun adını çəkim?"
Aspinalın növbəti döyüşü ağır çəkidə keçmiş müvəqqəti UFC çempionu fransalı Siril Qanaya qarşı olacaq. Onların döyüşü oktyabrın 25-də BƏƏ-nin Abu Dabi şəhərində UFC 321-də baş tutacaq.
