Idman.biz
Sinqapur, qlobal döyüş sənətləri təşkilatı "ONE Championship" oktyabrın 31-də Banqkokda keçiriləcək "Friday Fights 131" turnirinə start verəcək.
İdman.Biz xəbər verir ki, tədbirdə ümumilikdə 12 qarşılaşma olacaq.
Döyüşçülər bu yarışda 100 min ABŞ dolları (170 min AZN) məbləğində mükafat fondu uğrunda rinqə çıxacaqlar.
Turnirdə yüngül çəki dərəcəsində Azərbaycanı MMA döyüşçüsü Mehrab Məmmədzadə təmsil edəcək. O, rinqdə Şazada Atayevlə qarşılaşacaq.
Bundan başqa, "Muay Thai" üzrə yüngül çəki döyüşündə sentyabr ayında qələbə qazanan Suriyanlek Por Yenyinq yenidən Deço Por Borirak ilə qarşılaşacaq. Bu qarşılaşma da turnirin diqqət çəkən döyüşlərindən biri hesab olunur.
