Idman.biz
Boks dünyasının canlı əfsanəsi Mayk Tayson 59 yaşında olmasına baxmayaraq, Floyd Meyvezer ilə planlaşdırılan nümayiş xarakterli döyüşün qüvvədə qaldığını bildirib.
İdman.Biz xəbər verir ki, Tayson döyüşün ləğv edildiyi barədə yayılan şayiələri təkzib edərək qarşılaşmanın 2026-cı ilin yazında baş tutacağını deyib.
"Döyüş mart ayında Afrikada keçiriləcək. Bu inanılmaz olacaq, bütün rekordları qıracağıq", - deyə Dəmir Mayk bildirib.
Uzun müddətdir haqqında məlumat verilməyən şou xarakterli görüş boks ictimaiyyətində böyük maraq doğurub. Taysonun açıqlamasından sonra döyüşün detal və formatı ilə bağlı yenilənmiş rəsmi anonsun yaxın günlərdə yayımlanacağı gözlənilir.
