Idman.biz
Yüngül çəkidə UFC çempionu İslam Mahaçev uşaqlarını atasının onu böyütdüyü kimi ciddi şəkildə böyüdəcəyini bildirib.
İdman.Biz bildirir ki, döyüşçü sərt valideynlik metodlarına qarşı çıxan müasir psixoloqları tənqid edib.
"Uşaqlarıma qarşı atamın mənə qarşı olduğu qədər sərt olacağam. Bu gün bu psixoloqlar deyirlər ki, uşağa qışqıra bilməzsən, onları döyə bilməzsən. Deyirlər ki, bu, psixoloji cəhətdən travma yaradır.
Həbib və mən psixoloji cəhətdən travma almışıq? Hər ikimizin atalarımız çox sərt idi. Hər şey tərsinədir", - Mahaçev bildirib.
34 yaşlı Mahaçev yüngül çəkidə hazırkı UFC çempionudur. O, idmançı kimi inkişafında intizamın və ciddi tərbiyənin vacibliyini dəfələrlə vurğulayıb. Onun növbəti döyüşü 16 noyabrda Nyu-Yorkda "UFC 322"də keçiriləcək.
