Idman.biz
UFC Şöhrət Zalının 37 yaşlı üzvü və yüngül çəkidə keçmiş UFC çempionu, rusiyalı Həbib Nurməhəmmədov zamanın keçiciliyi və gücü haqqında fəlsəfi baxışlarını bölüşüb.
İdman.Biz xəbər verir ki, Həbib sosial media hesabında insanın mübarizəsinin onun ölümünə qədər davam etdiyini yazıb.
"Həyatda ən çətin şeylərdən biri zamana münasibətimizdir. Onu ağıllı şəkildə idarə etmək çox vacibdir. Geri baxıb hər şeyi yenidən düşünsəniz, zaman hələlik qalib gəlir. Amma mübarizə bitməyib, döyüş davam edir və biz bu dünyadan köçənə qədər davam edəcək. Uca Tanrı bizə qarşı sonsuz mərhəmətlidir və son nəfəsimizə qədər mübarizə aparmaq imkanı verib", - Nurməhəmmədov sosial media səhifəsində yazıb.
