Idman.biz
Məşhur rusiyalı qarışıq döyüş ustası və yüngül çəkidə keçmiş UFC çempionu Həbib Nurməhəmmədov tanınmış iş adamı və "Telegram"ın qurucusu Pavel Durova müraciət edərək onu birgə məşq etməyə dəvət edib.
İdman.Biz-in məlumatına görə, Nurməhəmmədov və Durov oktyabrın sonlarında BƏƏ-nin Əbu-Dabi şəhərində keçirilən "UFC 321"də görüşmüşdülər.
"Qardaş. Səni həmişə idman zalında görürəm. Düşünürəm ki, gəlib qardaşlarla məşq etməyin vaxtıdır", - deyə Nurməhəmmədov sosial media səhifəsində yazıb.
Pavel Durov isə öz növbəsində Nurməhəmmədova cavab verib.
"Yeri yaz, qardaş", - Pavel Durov sosial media hesabında yazıb.
Daha əvvəl Həbib əmisi oğlu Osman Nurməhəmmədovun təlim-məşq toplanışının başladığını elan edib.
