Idman.biz
UFC prezidenti Dana Uayt rusiyalı keçmiş UFC yüngül çəkidə çempionu Həbib Nurməhəmmədovun karyerasını bitirməsi ilə bağlı şərh verib.
İdman.Biz bildirir ki, Nurməhəmmədov karyerasını 2020-ci ildə başa vurub.
"Bizim bir müsəlman çempionumuz var idi və o, müsəlman ölkələrinə turneyə yollandı. O, Səudiyyə Ərəbistanında, Əbu-Dabidə, Qətərdə yarışdı və cibinə pullar axdı.
O qədər çox pul qazandı ki, artıq döyüşməyə ehtiyac duymadı. Və sonra atası öldü ki, bu da böyük təsir göstərdi", - Uayt bildirib.
Xatırladaq ki, Nurməhəmmədov son döyüşünü 24 oktyabr 2020-ci ildə BƏƏ-nin Əbu-Dabi yaxınlığındakı Yas adasında keçirilən UFC 254-də keçirib. O vaxtkı rəqibi müvəqqəti UFC yüngül çəki çempionu Castin Qetji idi. Döyüş rusiyalı idmançının ikinci raundda boğma ilə qələbə qazanmasıyla başa çatdı. Bu qələbə Nurməhəmmədovun karyerasında 29-cu qələbəsi idi. Döyüşdən sonra Həbib MMA-da karyerasını bitirdiyini elan etdi.
