Sport24.az
Azərbaycan idmançıları ənənəvi karate üzrə dünya çempionatında 5 medal qazanıblar. Bu barədə Azərbaycan Karate Federasiyasından məlumat verilib.
Yaponiyanın paytaxtı Tokiodakı yarışda qurumun ənənəvi karate üslubları birliyinin sədri Əhməd Əfəndinin rəhbərliyi altında yeddi idmançı mübarizə aparıb.
15 yaşadək kadetlər arasında Ayxan Şabanzadə üçüncü olub. Gənclər arasında Salman Salmanov (kata) qızıl mükafata sahib çıxıb.
Böyüklərdən İmran Quluzadə (74 kq) gümüş, Mehman Eynalov (+75 kq) bürünc medal qazanıb.
Komanda kumite yarışında Fuad Əliyev, Elbrus Abdullayev, İmran Quluzadə, Mehman Eynalov ibarət kollektiv bürünc mükafata yiyələnib.
