Idman.biz
"Çox həyəcanlı idim, çünki qarşılaşma 195 ölkədə canlı izlənilirdi".
Bunu İdman.biz-ə azərbaycanlı kikboksçu Akif Quluzadə deyib.
O, "ONE Fight Nights" turniri çərçivəsində Tailandın paytaxtı Banqkokda ABŞ idmançısı Şon Klimako ilə döyüşünü şərh edib. Quluzadə bildirib ki, görüş gərgin və maraqlı keçib: "ONE Championship" təşkilatı ilə müqavilə bağladıqdan sonra ilk döyüşüm idi. Qələbəmi Azərbaycan xalqına həsr edirəm. Üçrəngli bayrağımızı zirvələrə qaldırmaq üçün əlimdən gələni edəcəyəm".
19 yaşlı idmançı gələcək hədəflərini də açıqlayıb: "İndi əsas məqsədim təşkilatın kəmərini Azərbaycana gətirməkdir. Dünyanın ən nüfuzlu döyüş yarışında ölkəmizi təmsil etməkdən qürur duyuram".
Qeyd edək ki, Quluzadə Banqkokda baş tutan qarşılaşmada flayveyt kateqoriyasında ABŞ idmançısı Şon Klimako üzərində qələbə qazanıb. Bununla da o, "One Championship"in həftəlik döyüş seriyası olan "ONE Friday Fights"da 4-cü qalibiyyətini rəsmiləşdirib.
Aytac Sahəd
İdman.biz
