Idman.biz
Yerli boksçularımızın dünya çempionluğunu qazanmaq iqtidarında olub-olmaması ətrafında yaranan mövzu səngimək bilmir.
Milliyə cəlb edilən əcnəbilərin deyil, məhz yerli boksçularımız dünya çempionu olmaq gücündədirlərmi?
İdman.Biz bu sualla 2003-cü ilin dünya çempionu, hazırda isə Azərbaycan gənclərdən ibarət boks yığmasının baş məşqçisi olan Ağası Məmmədova müraciət edib.
"Düşünürəm ki, yaxın vaxtlarda bizdə yerli boksçulardan dünya çempionu ortaya çıxa bilər. Bu, nə optimizmdir, nə də məşqçi olaraq mənim istəyim. Sadəcə görürəm ki, bu və ya digər idmançının potensialı var və o, mənim uğurumu təkrarlaya bilər. Məsələn, 60 kiloqram çəki dərəcəsində çıxış edən 19 yaşlı Məhəmməd Qasımzadədən söhbət gedir. Əminəm ki, o, artıq 2027-ci ildə öz çəki dərəcəsində planetin ən güclüsü olacaq", - Ağası Məmmədov qeyd edib.
Xatırladaq ki, daha əvvəl dünya vitse-çempionu Elçin Əlizadə İdman.Biz-lə söhbətində hazırda Azərbaycanda Ağası Məmmədov və ya Rövşən Hüseynov səviyyəsində boksçu olmadığını bildirmişdi.
Vüqar Vüqarlı
