Idman.biz
Meksikalı model və internet fenomeni Kareli Ruis Kolumbiyada keçirilən "Stream Fighters 4" tədbirində kolumbiyalı Karina Qarsiyaya qalib gələrək həvəskar boksda ilk qələbəsini qazanıb.
İdman.Biz xəbər verir ki, döyüşü 24 min tamaşaçı tribunalardan, milyonlarla izləyici isə onlayn izləyib.
Döyüşün ilk raundu Karina Qarsiyanın üstünlüyü ilə keçsə də, ikinci raunddan etibarən Kareli toparlanaraq üstünlüyü ələ alıb. Üçüncü raundda ardıcıl zərbələrlə üstünlük qazanan Ruis texniki nokautla qalib elan edilib.
24 yaşlı Kareli Ruisin sosial şəbəkələrdə 10 milyondan çox izləyicisi var. O, "OnlyFans" platformasında aylıq təxminən 163 min dollar gəlir əldə edir. Karelinin həyat yoldaşı DJ Conni Eçeverriyadır, onların qızı Madisson 2025-ci ilin fevralında dünyaya gəlib.
Tədbir yayımı zamanı izləyici sayının üç milyonu keçməsi səbəbindən platforma qısa müddət çöksə də, "Stream Fighters 4" yenə də internet məşhurları arasında ən populyar boks şoularından biri olub.
