Idman.biz
Azərbaycan Basketbol Liqasının 2025/2026 mövsümünün qalibi olan "Sabah" mükafatlandırılıb.
İdman.Biz xəbər verir ki, finalda "Abşeron Lions""u məğlub edən "Sabah"a çempionluq kubokunu və qızıl medalları gənclər və idman naziri Fərid Qayıbov, həmçinin Azərbaycan Basketbol Federasiyasının prezidenti Emin Əmrullayev təqdim ediblər.
Mövsümü ikinci başa vuran "Abşeron Lions" kollektivinin oyunçularına gümüş medallar verilib.
Bundan başqa, "Sabah"ın heyətində Castin Tilman mövsümün ən dəyərli oyunçusu (MVP) seçilib və xüsusi mülafata layiq görülüb.
Final seriyasının hər üç oyununda qələbə qazanan (98:93, 112:84, 108:95) "Sabah" 2025/2026 mövsümünün çempionu olub.
21:03
"Sabah" ardıcıl dördüncü dəfə Azərbaycan Basketbol Liqasının qalibi olub.
İdman.Biz-in məlumatına görə, turnirin final seriyasının üçüncü oyununda "Abşeron Lions"u üstələyən klub 2025/2026 mövsümünün qızıl medallarına sahib çıxıb.
Bakı İdman Sarayında baş tutan görüş "Sabah"ın 108:95 hesablı qələbəsi ilə bitib.
Bakı təmsilçisi əvvəlki iki görüşdə rəqibini məğlub etmişdi - 98:93, 112:84.
Reqlamentə əsasən, final seriyasında üç qələbəyə çatan kollektiv Azərbaycan Basketbol Liqasının qalibi olur.
10:06
Bu gün Azərbaycan Basketbol Liqasının qalibi müəyyənləşəcək.
İdman.Biz xəbər verir ki, turnirin final seriyasının üçüncü oyununda "Sabah" "Abşeron Lions"la qarşılaşacaq.
Görüş Bakı İdman Sarayında, saat 19:00-da start götürəcək.
"Sabah" qələbə qazanacağı təqdirdə ölkə çempionu adına sahib çıxacaq. Bakı təmsilçisi əvvəlki iki görüşdə rəqibini məğlub edib - 98:93, 112:84.
Qeyd edək ki, reqlamentə əsasən, final seriyasında üç qələbəyə çatan kollektiv Azərbaycan Basketbol Liqasının qalibi olacaq.
