Idman.biz
Bu gün Azərbaycan Basketbol Liqasının 16-cı turunun B qrupunda daha bir matçı baş tutacaq.
İdman.Biz xəbər verir ki, günün yeganə oyununda "Quba" "Sərhədçi" ilə qarşılaşacaq.
Görüş Bakı İdman Sarayında, saat 20:30-da start götürəcək.
Turnir cədvəlində "Sərhədçi" 20 xalla üçüncü pillədə qərarlaşıb, "Quba" isə eyni xalla dördüncü yerdədir.
Qeyd edək ki, tura fevralın 8-də yekun vurulacaq. Ötən gün "Sumqayıt" "Lənkəran"ı məğlub edib - 102:77.
