Idman.biz
Serbiyanın Novi Sad şəhərində U23 dünya çempionatı start götürüb.
İlk yarış günündə 4 çəkidə yunan-Roma güləşi üzrə finalçılar müəyyənləşib.
Ziya Babaşov (63 kq) yaponiyalı Miruto Tokuhiqaya 7:1, iranlı Mohammad Navidə 3:1 hesabıyla, rusiyalı Dоrdji Şunqurtsikova isə ilk xal prinsipinə əsasən (1:1) qalib gələrək yarımfinala yüksəlib. Ziya yarımfinalda türkiyəli Servet Angidən də güclü olub - 2:1. Babaşov sabah finalda moldovalı Vitali Yeryomenkoyla qarşılaşacaq.
Davud Məmmədov (77 kq) debütdə macarıstanlı Levente Levaya 0:5 hesabıyla məğlub olub.
Laçın Vəliyev (87 kq) təsnifat mərhələsində iranlı Qulamreza Faruxisencaniyə 0:8 hesabıyla uduzub. Rəqib finala yüksəldiyi üçün təmsilçimiz sabah təsəlliverici görüşə çıxacaq.
Ayxan Mərdanov (130 kq) çinli Şuanqyu Çeni "tuş"la mübarizədən kənarlaşdırsa da, 1/4 finalda rusiyalı Aleksandr Melexovla bacarmayıb - 0:9.
20:30
U-23 dünya çempionatında Azərbaycan güləşçiləri çıxışlarını davam etdirir.
İdman.Biz bildirir ki, yunan-Roma güləşi üzrə 63 kq çəki dərəcəsində Ziya Babaşov türkiyəli Servet Angiyə 2:1 hesabıyla qalib gələrək U23 dünya çempionatının finalına yüksəlib.
16:58
U-23 dünya çempionatında Azərbaycan güləşçiləri çıxışlarını davam etdirir.
İdman.Biz xəbər verir ki, bu barədə Güləş Federasiyası məlumat yayıb.
Bildirilib ki, yunan-Roma güləşi üzrə 63 kq çəki dərəcəsində Ziya Babaşov yaponiyalı Miruto Tokuhiqaya 7:1, iranlı Mohammad Navidə 3:1 hesabıyla qalib gəlib. Daha sonra rusiyalı Dordji Şunqurtsikov (UWW) ilə görüşdə 1:1 hesabı ilə ilk xal prinsipinə əsasən üstün olan Babaşov yarımfinala yüksəlib. Yarımfinalda Ziya Babaşov türkiyəli Servet Angi ilə qarşılaşacaq.
77 kq çəki dərəcəsində Davud Məmmədov təsnifat mərhələsində macarıstanlı Levente Levaya 0:5 hesabıyla məğlub olub.
87 kq-da Laçın Vəliyev təsnifat mərhələsində iranlı Qulamreza Faruxisencaniyə 0:8 hesabıyla uduzub.
130 kq çəki dərəcəsində Ayxan Mərdanov çinli Şuanqyu Çenə "tuş"la qalib gələrək 1/4 finala yüksəlib. Lakin bu mərhələdə rusiyalı Aleksandr Melexova (UWW) 0:9 hesabıyla məğlub olub.
Qeyd edək ki, yarımfinallar Bakı vaxtı ilə saat 20:00-da başlayacaq.
